ئەگەر بینیت كڕین و فرۆشتن دەكرا لە مزگەوتدا پێی بڵێ: ((لا أَربَحَ اللهُ تِجارَتَكَ)).
واتە: خوای گەورە قازانج نەخاتە ناو ئەو بازرگانییەتەوە.
وە ئەگەر كەسێك لە مزگەوتدا بە دەنگی بەرز جاڕی بۆ شتێكی وون بوو ئەدا پێی بڵێ: ((لا رَدَّها اللهُ عَلَيكَ)). الترمذي (1321) وقال حديث حسن. والدارمي 1/326 وصحَّحه ابن حَبان (413) والحاكم 2/56 ووافقه الذهبي، وصحَّحه الألباني في صحيح الترغيب والترهيب 1/71 برقم(291)، وصحيح الجامع برقم(573)، وفي لفظ: (لا أداها الله إليك). رواه أبوداود(473) وصحّحه الألباني في صحيح ابوداود(492).
واتە: خوا بۆت نەگەڕێنێتەوە. چونكە مزگەوت بۆ ئەوە نەكراوە.
تێبینی: لە فەرموودەدا هاتووە: (دوای نوێژی بەیانی ئەعرابییەك هەستاو ووتی: كێ حوشترە سوورەكەمی دۆزیوەتەوەو بانگەوازی بۆ كردووەو بانگی كردم بۆی؟ پێغەمبەری خوا(صلى الله عليه وسلم) فەرمووی: ((لَا وَجَدْتَهُ، لَا وَجَدْتَهُ، لَا وَجَدْتَهُ، إِنَّمَا بُنِيَتْ هَذِهِ الْمَسَاجِدُ لِمَا بُنِيَتْ لَهُ )). أخرجه مسلم وأحمد وابن ماجه وصحَّحه الألباني في صحيح الجامع (7568).
واتە: یاخوا نەیدۆزیتەوە، یاخوا نەیدۆزیتەوە، یاخوا نەیدۆزیتەوە. چونكە مزگەوت بۆ ئەو عیبادەت ئەنجامدانانە دروست كراوە كە بۆی دروست كراوە..
شێخ ئەلبانی(ڕەحمەتی خوای لێ بێت) فەرمویەتی: (لەم فەرمودەیەدا بەڵگەیە لەسەر حەرامێتی بانگەوازو پرسیاركردن لە ئاژەڵێكی وون بوو لە مزگەوتدا بە مەرجێك بە دەنگی بەرز بێت، ئەمەش بۆچوونی ابن حزم4/246 والصنعاني في (سبل السلام)1/217، وە إن شا‌و الله ڕاستیشە چونكە ڕووكەشی نەهییەكە وایە، وە لەبەر ئەوەی پێغەمبەری خوا(صلى الله عليه وسلم) فەرمانی كردووە ئەم ووتەیە بە كەسی جاڕدەر بوترێت وەك سزایەك بۆی). الثمر المستطاب (1/686).
وە دروست نییە تف و بەڵغەم و چڵم و شتی پیس ڕۆ بكرێتە ناو مزگەوت چونكە تاوانەو كەفارەتەكەشی پاك كردنەوەیەتی. البخاري 1/428 ومسلم (522) .
وە نەهی كراوە لەوەی كە شیعری ناجائیزی تێدا بووترێت. أبوداود(1079) والترمذي (322) وقال: حديث حسن، وحسَّنه الألباني في صحيح الجامع(6885).
وە هەروەها دروست نییە دەنگ بەرز كردنەوە تیایدا. البخاري 7/465.
وە هەركەسێك پیاز یان سیر یان كەوەر (یان توور یان شتی بۆن ناخۆشی تری خوارد) با نزیكی مزگەوت نەكەوێتەوە. چونكە مەلائیەكەتەكان ئەزێت ئەچێژن بەو شتەی كە مرۆڤ ئەزێتی پێ دەگا. البخاري 9/498 ومسلم (564).
