زیكرو پاڕانەوەو داوای لێخۆشبون كردن لە خوای گەورە لە سێ‌ یەكی كۆتایی شەودا

أغسطس 23, 2022

 خوای گەورە دەفەرموێت: [الصَّابِرِينَ وَالصَّادِقِينَ وَالْقَانِتِينَ وَالْمُنْفِقِينَ وَالْمُسْتَغْفِرِينَ بِالْأَسْحَارِ ] (آ‌ل عمران: 17)

واتە: ئیمانداران ئەمانە سیفەتیانن: خۆراگرن و شان ئەدەنە بەر فەرمانەكانی خوا، هەمیشە راست بێژو راستگۆن، ملكەچ و گوێرایەڵن، هەموو كات خەریكی نوێژو خواپەرستین، سامان بەخشن، بەر لە نوێژی بەیانییش خەریكی شەو نوێژو، پارانەوەی لێخۆشبوونن.

 وە خوای گەورە دەفەرموێت: [كَانُوا قَلِيلًا مِنَ اللَّيْلِ مَا يَهْجَعُونَ (17) وَبِالْأَسْحَارِ هُمْ يَسْتَغْفِرُونَ (18)] (الذاریات: 17-18)

واتە: ئەوانە كەمێك لە شەودا دەخەوتن و هەر سەرقاڵی شەونوێژ بوون، وە لەبەرەبەیان و پێش نوێژی بەیانی خەریكی داوای لێخۆشبوون كردن بوون.

 عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللهِ(صلى الله عليه وسلم) قَالَ: (( يَنْزِلُ رَبُّنَا تَبَارَكَ وَتَعَالَى كُلَّ لَيْلَةٍ إِلَى السَّمَاءِ الدُّنْيَا حِينَ يَبْقَى ثُلُثُ اللَّيْلِ الْآخِرُ، يَقُولُ: مَنْ يَدْعُونِي فَأَسْتَجِيبَ لَهُ، مَنْ يَسْأَلُنِي فَأُعْطِيَهُ، مَنْ يَسْتَغْفِرُنِي فَأَغْفِرَ لَهُ)) صحيح البخاري برقم (1145) ومسلم2/175 برقم(1808).

واتە: خوای پەروەردگار بە زاتی خۆی هەموو شەوێك( بە دابەزینێك كە شایستەی ئەو بێت) دادەبەزێتە ئاسمانی دونیا كاتێ‌ كە سێ‌ یەكی كۆتایی شەو دەمێنێت، دەفەرموێت: كێ‌ لێم دەپاڕێتەوە با وەڵامی بدەمەوە، كێ‌ داوام لێ‌ دەكات با پێی ببەخشم، كێ‌ داوای لێخۆشبوونم لێ‌ دەكات تا لێی خۆشبم.

 وە دەفەرموێت(صلى الله عليه وسلم): (( أقرَبُ ما يَكونُ الرَّبُّ مِنَ العَبْدِ في جَوْفِ اللَّيلِ الآخِرِ، فَإنِ استَطَعْتَ أن تَكونَ مِمَّنْ يَذكُرُاللهَ في تِلْكَ السَّاعَةِ فَكُنْ)). أخرجه الترمذي برقم(3579) والنسائي1/279 والحاكم وانظر صحيح الترمذي3/183 وجامع الاصول بتحقيق الأرناؤوط 4/144.

واتە: نزیكترین كاتێك كە پەروەردگار لە بەندەكەیەوە نزیك بێت لە سێ‌ بەشی كۆتایی شەودایە(ئەو كاتەی خوای گەورە دادەبەزێتە ئاسمانی دونیا)، ئەگەر توانیت لەو كەسانەبێت كە یادی خوای گەورە دەكەن لەو كاتەدا ئەوا ببە.

زیکرەکە بە دەنگ

بەشداربە

بابەتی هاوشێوە