1-(( اللَّهُمَّ صَلِّ عَلَى مُحَمّدٍ وَعَلَى آلِ مُحَمّدٍ، كَما صَلَّيتَ عَلَى إبراهيمَ، وَعَلَى آلِ إبراهيمَ، إنّكَ حَميدٌ مَجيدٌ، اللَّهُمَّ بارِكْ عَلَى مُحَمّدٍ وَعَلَى آلِ مُحَمّدٍ، كَما بارَكْتَ عَلَى إبراهيمَ، وَعَلَى آلِ إبراهيمَ، إنّكَ حَميدٌ مَجيدٌ)). البخاري مع الفتح 6/408 برقم(3370).
واتە: خوایە صڵاوات بدە لەسەر محمد(صلى الله عليه وسلم) (واتە: پلەی بەرز بكەرەوە لە دونیادا بە بەرزكردنەوەی ناوی و سەرخستنی بانگەوازەكەی و مانەوەی شەریعەتەكەی، وە لە قیامەتیشدا بە شەفاعەتی بۆ ئوممەتەكەی و چەند قاتكردنی پاداشت بۆی، یان واتە: باسی بكە لە ناو مەلائیكەتە پلە بەرزەكاندا)( انظر تحفة الأحوذي2/492 وجلاء الأفهام لأبن القيم.) و خانەوادەو كەسوكارو شوێنكەوتووانی محمد(صلى الله عليه وسلم)، هەروەك صەلەواتت ڕژان بەسەر ئیبراهیم‌و كەسوكاری ئیبراهیم دا(علیه الصلاە والسلام)، بەڕاستی تۆ سوپاس كراوو خاوەن شكۆو بەرزیت، خوایە بەرەكەت (واتە: زیادەیەك لە خێرو ڕێز، یان: پاككردنەوەو تەزكیە) بڕژە بەسەر محمد(صلى الله عليه وسلم)و كەسوكاری محمد(صلى الله عليه وسلم)دا، هەروەك فەڕو پیرۆزیت ڕژاندوە بەسەر ئیبراهیم‌و كەسوكارەكەیدا(علیه الصلاە والسلام)، بە ڕاستی تۆ سوپاس كراوو خاوەنی شكۆو بەرزیت.
واتە: خوایە صەلەوات بدە لەسەر محمد(صلى الله عليه وسلم)و خێزان‌و نەوەكانی هەروەك صەلەواتت داوە لەسەر كەسوكاری ئیبراهیم(علیه الصلاة والسلام)، وەبەرەكەت بڕژە (ڕێزو گەورەبی بەردەوام و زیاد بكە) بەسەر محمد(صلى الله عليه وسلم)و خێزان‌و نەوەكانیدا، هەروەك ڕژاندوتە بەسەر كەسوكاری ئیبراهیم دا (علیه الصلاە والسلام)، بەڕاستی تۆ شایستەی هەموو سوپاسێكی و گەورەو بەخشندەیت